The Tiffany Blue Box Cafe (裝修中)

相信身邊都有唔少朋友已經去咗打卡，我就比較佛系，直到朋友早前安排生日飯局先正式有機會試吓。我揀咗個3-course set，包一個前菜，一個湯，一個主菜。環境裝修靚就不在話下，食物賣相都真係勁靚。我前菜點咗「新餐肉伴蛋花」，唔多鍾意食新餐肉嘅我竟然都覺得好食。「粟米濃湯」有埋構圖，成幅畫咁靚，濃濃嘅粟米味，好creamy。主菜我點咗「煙三文班尼廸配魚子醬」，同樣係好靚嘅擺盤，個蛋整得啱啱好，蛋漿連埋三文魚食味道好夾。因為係慶祝朋友生日，套餐包埋蛋糕一件，唔好講味道住，淨係個賣相，Tiffany嘅首飾盒造型都贏晒，打卡滿分！味道方面，蛋糕唔算太甜，入面有檸檬同橙味啫喱，都幾清新。總括來講，環境裝修一流，食物靚得來好食。同女仔朋友慶祝生日，或者同閨密tea下食下飯就最適合不過。