花木日本料理 (已結業)

今日朋友仔話同我慶祝，因為我升咗職，所以佢就帶我去花木食日本料理。牛舌岩鹽燒$108朋友好識做，我一向都鍾意食牛舌嘅喺，係我未黎到之前，佢就一早已經落咗單。牛舌都幾厚肉，切到細細件，其實唔點汁就已經好夠味，但點個汁就更加惹味呀。沖繩豚肉炒苦瓜$108我朋友話，佢之前嚟食唔到呢個苦瓜，今次我哋就叫返一個。沖繩豚肉嘅豬肉果然係好食啲，好有豬味，而且脂肪唔算多，但係又會好腍，加埋炒蛋，正。粟米$28食咗唔少肉，叫番澱粉先，我哋就叫左燒粟米。一個粟米唔算好甜，好彩落左牛油，好夠香。酥炸軟殼蟹$148見到之前有人叫炸軟殼蟹，我都叫咗一個。估唔到原來係有兩隻，幾掋喎，而且炸得好酥脆，點醬汁就鹹咗少少，唔掂就仲好食啦。