伙伙餐廳 (已結業)

其實我係2月尾黎食，不過之後比較忙未得閒po番個食評。呢餐係慶祝未婚夫既生日，所以一定要簡佢鍾意食既野我選擇伙伙第一個原因係俾佢個海鮮拼盤吸引住，而未婚夫又超鍾意食海鮮，所以就book左黎試下。去到環境都幾好feel,我book個陣已經預留左個拼盤。所以佢就話上左個拼盤先，其他可以慢慢簡。整個拼盤我覺得個鮑魚同個蟹都係最好味，其他都好鮮甜，而個醬汁我就比較鍾意點豉油wasabi有哂手套同鉗口，濕紙巾俾我地用，都幾細心架。另外我地叫左個蝦多士，一半有芝麻一半就冇。 都 熱辣辣脆卜卜，睇食評d人話要試下非洲雞我地都叫左，但我就覺得個薯條好味過舊雞，可能個味我唔太鍾意。仲有一個主菜我就唔記得咩名，不過隻虎蝦同舊魚都好好味。總括黎講，呢間餐廳都值得一試……員工既服務態度都好好，不時會幫你加水同紙巾。