法式牛扒屋 (已結業)

一直都想試下呢間据扒，所以襯朋友生日，決定黎呢度慶祝下。佢地個餐牌有好多dinner set 選擇，我就點左Menu A.首先黎個餐包，外表普普通通但一食落口真係不得了，外脆內軟，仲要個包係暖架！前菜-欖角香煎鵝肝 - 估唔到欖角同鵝肝一齊食係咁夾，佢應該再加左olive oil同黑醋，d醋甜甜地令鵝肝味道提升，又可以冇咁膩。（我將鵝肝放係麵包上一齊食都好好味）餐湯 - 龍蝦湯 - 超濃龍蝦味，飲落又creamy又足料，仲要有好幾粒龍蝦肉。當然我有用麵包一齊食啦，待應見到我地食哂啲包，仲主動幫我地添加。主菜- 牛扒 - 我叫左5成熟，都煎得唔錯，煎得剛剛好。食落唔算韌，同仲好juicy。甜品- 心太軟 ，熱熱嘅朱古力醬加埋啲雪糕一齊食，都好難唔好食。朋友生日所以叫左個火焰雪山，賣相一流。佢係d蛋白包住啲三色雪糕，味道一般。整體而言，係一間值得一試嘅餐廳。雖然佢唔係走高檔路線，但服務同環境都唔錯。可惜我去果日後面有聚餐，所以比較嘈。