至尊滿屋日本料理 (已結業)

同朋友慶祝生日，BOOK左至尊滿屋食放題，食物種類多﹗電話BOOK左位，一去到店員好快就安排入座。台面已經放好2大本放題紙，真係超多野食~選擇好食物，去了自助行左個圈，飲品都多選擇，咩類型都有~沙律吧同小食基本上都有，好特別有炸菜肉包。甜品櫃都應有盡有。值得一讚下單無耐，好快野食就到，店員會好主動收食晒空碟。介紹下野食質數都出色好味，下面都係試過推薦野食。刺身新鮮，甘多樣甜最出色。壽司方面炙燒帶子壽司、鰻魚壽司好味。炸物叫左芝麻炸雞亦、廣島蠔、芝士波、大蝦天婦羅、炸雲吞，最有有驚喜係炸榴槤波，鐘意榴槤朋友一定要試，超好味﹗燒物方面燒牛舌、燒大蝦、燒雞亦、燒羊扒都好味。仲有一口牛都要試，夾埋炸蒜味超香口。另外，大家都要試比目魚好清甜，肉質好嫩滑。太多肉類，我地叫左小棠菜中和幫助消化，一點都唔簡單，真係有用瑤柱去煮，所以食落好清甜。最後，餐廳仲會送每人限定一杯雪糕，大家記得留肚。