同撈同煲 (堅拿道西)

好朋友生日話想打邊爐，於是book定檯同佢去近期好興復古懷舊風嘅地方打邊爐慶生~裝修擺設懷舊有心思，整晚都播著經典懷舊金曲，氣氛好好。

醬料

我地次次都必叫沙嗲鍋，今次都唔例外~ 老港沙嗲鍋好大一鍋，厚而濃郁，滿滿嘅花生碎之餘仲有細細芋頭粒係面，正。

老港沙嗲鍋

$148

難得有日本飛驒牛，就order左細份試試，飛驒牛上盤嘅時候仲有少少煙增強仙氣感！店員問我地試唔試生食，我地比較保守，都係prefer熟dd，係沙嗲湯上涮幾下，真係入口即融好嫩滑，係高級嘅享受唷~

日本飛驒牛(細)

$338

桂花蚌同五香肉丁墨魚丸都係當晚比較出色嘅食材。桂花蚌份量唔多但鮮甜爽口，第一次食有五香肉丁做餡料嘅墨魚丸，感覺好特別。

田園拼盤有西洋菜、油蜜菜、娃娃菜、生菜、粟米、番茄、好足料！

桂花蚌

$118

五香肉丁墨魚丸(半份)

$63

鴛鴦滑(黑松露墨魚滑+蟹籽蝦滑)爽口都唔錯。

黑松露墨魚滑+蟹籽蝦滑

$108

芝士豆腐磚就一般，口感介乎較腍嘅魚旦於同較硬嘅豆腐之間，味道ok但我麻麻地個口感。

（前）五香肉丁墨魚丸(半份) $163 （後）芝士豆腐磚$38

腐竹控朋友order左鮮腐竹，份量超多，滿足佢嘅慾望。仲有即炸響鈴超鬆脆，沾附上嘅醬汁即食都好ok~ 記住動作要快，等多陣就冇咁脆㗎啦~

鮮腐竹

$28

1

即炸響鈴

$58

臨近尾聲當然一貫傳統整返個出前一丁，掛曬汁兼吸曬食材嘅精華，大滿足~


飲品方面，order左杞子園肉菊花茶同山楂紫背天葵，樽裝大概500ml好快被我地KO~ 臨尾再order左大菠蘿冰同大檸茶，超大一杯，真係有d相逢恨晚嘅感覺~ 早知一早就order啦，超抵！
 

大菠蘿冰$48、大檸茶$48

帶左個小蛋糕為好朋友慶生，店員好貼心咁幫忙雪蛋糕。不過原來仲有驚喜，播播下嘅懷舊金曲突然變成祝壽歌，店員仲送上抽獎卡同懷舊小禮物，完全冇expect過打邊爐嘅地方會咁，如果唔想under the spotlight嘅記住事先同店員溝通下~