龍亭

今晚同朋友慶生，揀咗間隱世餐廳食廚師發板嘅鐵板燒，每道菜式都好食而且擺盤精緻。見到廚師好俾心機做好每一道菜！ 環境氣氛不錯！地方細細夠寧靜，好適合三五知己一齊慶祝或傾計～慶祝生日廚師亦會特別安排製作班戟蛋糕，當吹蠟燭時仲會播生日歌添！店員會好主動幫客人影相 ，抵讚 。前菜有三文魚有機沙律同埋海膽玉子豆腐。 墨西哥海膽豆腐原來可以咁好食，海膽嘅鮮甜，豆腐嫩滑，真係打開咗我個胃 。法國生蠔配馬糞醬三文魚籽真係好鮮甜，生蠔好肥美厚肉 。秘製海膽醬燒龍蝦烹調時熊熊烈火，已經好有睇頭。龍蝦新鮮彈牙，配馬糞海膽醬，絕配。仲有馬糞魚籽醬香煎帶子加黑松露味濃郁嘅白菌，同樣美味 。鮑魚鰻魚汁焦糖配法包：鮑魚唔會煮得過火，鰻魚汁滲落法包嚟食，味道好夾；鵝肝檸檬醬配焦糖法式多士：本來都驚好油膩，但配上檸檬醬加焦糖，酸酸甜甜，即刻減低油膩感。和牛露筍配什菜：和牛入口即溶，而且配上蔥花炸蒜，香氣四溢 。迷你花膠藥膳湯真係好滋陰，如果大碗啲就好啦 。食到最後，真係已經好飽，但原來仲有一大碗蟹籽馬糞海膽煎蛋炒飯，成碗飯撈埋一齊食，超好食！食到咁飽都仲可以食埋成碗飯，頓時覺得自己食量驚人😛！但又覺得真係超值抵食。甜品