GAIJIN

营业中

休息中

今日係我最愛嘅🐢蜜生日🎂呀！係咁重要嘅大日子，梗係要揀一間好嘅餐廳，同🐢蜜慶祝生日都可以好有情調㗎，咁啱我哋喺銅鑼灣行街，買完嘢之後就去咗呢間餐廳食晚飯喇！ 頭盤我哋揀咗個煙三文魚沙律share食，個煙三文魚又靚靚嘅玫瑰花型㗎！😍😍😍主菜揀咗呢個西班牙烤乳豬！呢個真係萬物錯過，超好食！我哋兩個都係第一次食西班牙烤乳豬，同中式嗰啲好唔同，冇油膩感，個皮係好脆㗎！最欣賞係佢哋仲要係好大份，超抵食！ 另外我哋仲揀咗呢一個虎蝦龍蝦汁意大利粉，個虎蝦好大隻，唔會煎得過濃，而我最鍾意嘅就係佢哋嗰個龍蝦汁，真係好Yummy！掛滿晒啲意粉度👍👍甜品梗係要食心太軟啦，見到啲朱古力流晒心，襯埋雪糕食！超級滿足❤️❤️❤️