影片
更多
2025-05-26
571 浏览
好耐冇食omekase，加上朋友生日，諗咗好耐去邊度食好，最後揀咗呢間食材好多都係由日本唔同地區（例如北海道、九州、沖繩等等）直送過嚟嘅日式餐廳。.前菜有蟹仔、日本剝皮蕃茄同香魚仔。蟹仔脆卜卜，細緻中帶鹹鮮味；日本剝皮蕃茄就汁多味清；香魚仔係汁煮做法，細細條但非常入味，魚味濃郁，質感扎實似多春魚。🍣 刺身：•石鯛配酸辣醬汁，魚肉結實爽口，酸酸辣辣嘅汁令魚味更加突出，食完好醒胃；•海膽三文魚籽：海膽連殼上枱，擺盤超IGable，海膽滑中帶點爽口、三文魚子鹹鹹鮮鮮，不錯；•德島蠔厚肉飽滿，配上柚子皮同土佐醋凍，帶啲果香、酸爽清新，開胃解膩。•鹿兒島間八魚一碟有兩種食法，一生一熟。生嗰片鮮甜，熟嗰片魚脂香氣明顯，兩種層次嘅食法，幾特別。•九州池魚他他好香口，混合咗薑汁、芝麻、紫菜，帶少少甘香、咬落口感豐富。•鱈魚BB配紫蘇花麵豉醬味道酸酸甜甜，紫蘇香味幾搶鏡，好醒胃。•中拖羅色澤粉嫩，富油香，表面灑咗淡雪鹽提鮮，入口即溶，唔駛點醬油都夠味。熟食環節有吉列炸泰刀魚，炸漿薄身酥脆，魚肉厚實滑溜，仲配埋自家整嘅紫菜醬，鹹鮮唔搶味，個人好中意。🍣 壽司：•深海池魚壽司魚味濃郁，有油脂香；•白蝦壽司爽
好耐冇食omekase，加上朋友生日，諗咗好耐去邊度食好，最後揀咗呢間食材好多都係由日本唔同地區（例如北海道、九州、沖繩等等）直送過嚟嘅日式餐廳。
.
前菜有蟹仔、日本剝皮蕃茄同香魚仔。蟹仔脆卜卜，細緻中帶鹹鮮味；日本剝皮蕃茄就汁多味清；香魚仔係汁煮做法，細細條但非常入味，魚味濃郁，質感扎實似多春魚。
🍣 刺身：
•石鯛配酸辣醬汁，魚肉結實爽口，酸酸辣辣嘅汁令魚味更加突出，食完好醒胃；
•海膽三文魚籽：海膽連殼上枱，擺盤超IGable，海膽滑中帶點爽口、三文魚子鹹鹹鮮鮮，不錯；
•德島蠔厚肉飽滿，配上柚子皮同土佐醋凍，帶啲果香、酸爽清新，開胃解膩。
•鹿兒島間八魚一碟有兩種食法，一生一熟。生嗰片鮮甜，熟嗰片魚脂香氣明顯，兩種層次嘅食法，幾特別。
•九州池魚他他好香口，混合咗薑汁、芝麻、紫菜，帶少少甘香、咬落口感豐富。
•鱈魚BB配紫蘇花麵豉醬味道酸酸甜甜，紫蘇香味幾搶鏡，好醒胃。
•中拖羅色澤粉嫩，富油香，表面灑咗淡雪鹽提鮮，入口即溶，唔駛點醬油都夠味。
熟食環節有吉列炸泰刀魚，炸漿薄身酥脆，魚肉厚實滑溜，仲配埋自家整嘅紫菜醬，鹹鮮唔搶味，個人好中意。
🍣 壽司：
•深海池魚壽司魚味濃郁，有油脂香；
•白蝦壽司爽彈，灑咗微微胡椒同柚子皮，多咗幾分清新；
•北海道活赤貝爽口脆身，好新鮮；
•馬糞海膽壽司嘅海膽顏色呈鮮橙色 ，瓣塊結實，入口細膩綿軟，甜味豐厚 ，入口係滿滿的一口幸福感。
•赤目魚壽司配咗蒜味醬油，醬油香而不膩，有提鮮效果；
•白昆布青魚卷用自家醃製白昆布包住青魚卷，加咗紫蘇，味道帶點酸香，幾有趣。
🍵 甜品係抹茶奶凍，超滑身，抹茶味濃但唔苦。
單據比大家參考：
张贴
