Shine (已結業)

同友人慶祝，揀左呢間餐廳，好穩陣之選，一早訂埋位。餐廳位於太子集團中心，繁忙時間記得預早少少，電梯都要等幾轉。餐廳都幾大，一出電梯見到大型吧枱，其餘以2人、4人為主，近窗口有幾張大少少嘅卡位，所以最好都係book位啦。我地隔離左右都係慶祝生日，火焰雪山幾有睇頭早知我都直接喺呢度點份甜品，反正都係得兩個人，買個蛋糕又太大。menu唔算話好多野揀，兩版，有salad、小食，主食都係意大利飯、意粉、扒類咁，消費約3百零蚊。甜蜜蜜雞翼雞翼有兩款，一款辣嘅，我地點左唔辣嘅甜蜜蜜雞翼，顧名思義係蜜糖味。雞翼一份8隻，勁多，全部大大隻，外層好脆口，唔會過火蜜糖屬於比較稀身少少，唔會話好甜好膩，最重要係雞肉仲好嫩滑有汁，推薦！點左兩份主食share，辣蟹肉彩椒闊條麵都幾正，一份大大碟，闊條麵份量不少。面頭鋪滿辣蟹肉，蟹肉幾香，成個麵好似有少少泰式風味咁，微微辣，夠惹味麵條唔會太軟身，而且掛滿醬汁。友人揀左脆炸德國鹹豬手配蜜糖芥茉醬，份量足夠2人分享。因為即時整，而且當晚客人都幾多，豬手都等左一段時間先上枱，好在我地唔餓。豬手已經拆件，非常方便食豬手皮超脆口，唔會話覺得好油淋淋。肉質方面都合格有餘，幾有