Pulau

营业中

休息中

✨慢煮豬手飯 $80 配蘇東魚丸雞湯～雞湯口味比較清淡，勝在細細粒嘅魚丸都幾好食，幾彈牙！平時喺屋企要處理豬手都幾麻煩，口痕又想食嘅，外出食不失為一個好辦法🥰。呢度嘅豬手清潔得好乾淨👍🏻值得一讚！醬汁有少少似滷水汁+玫瑰露嘅口味，甜甜地，入口皮爽肉滑，好唔錯😍✨新加坡大蝦喇沙 $78～喇沙濃湯充滿椰汁🥥香，香味及濃稠度適宜，唔會好辣，同時帶有淡淡甜味，材料有🍤蝦肉、豆卜、芽菜、魚丸、魚片，豆卜索哂啲湯汁，非常入味，中間仲伴有香口嘅蒜片，整碗質量都好OK👍🏻值得一試！