影片
更多
2022-07-10
539 浏览
人哋成日話元朗好多好野食，所以今年生日既序幕老公訂左位於元朗既食間壽司店食廚師發板Omasake.入到嚟，坐係廚師前面既bar 枱，正呀！好有日本地道既感覺，睇住司傳係你面前用心用手製作每一件壽司、每一道菜，真係好一種觀能既享受、一種樂趣😊前菜係：北海道粟米刺身加黑豆黑豆甜蜜蜜、軟硬度適中；白色既粟米多汁鮮甜准山加上wasabi,爽脆；再配上三文魚籽既咸，使平平無奇既准山發揮開胃既作用；底下既蓮藕爽脆帶微酸。依達卷 - 蛋卷帶香。壽司碟上既開胃小菜係：酸姜 -甜甜酸酸，開胃又好岩壽司興壽司間既間場清一下口腔。牛蒡-漬煮味濃，醬油香山葵漬准山、准山味濃厚、加上山葵既香，味道出色具特色依度使用新鮮山葵磨出黎既wasabi，所以好香唔會攻鼻或太辣；准山清脆爽口。司傅會問我哋有咩唔食，好細心👍🏻進入主角既部份勒：1）九州以南姬鯛壽司司傅用熱水淥一下姬鯛既皮咁就唔會靭、加上油子皮帶點甘香。2）富山縣白蝦壽司蝦肉滑又綿，岩鹽帶出鮮味。3）小柱 （乾瑤柱）壽司小柱質感帶嚼勁，加上岩鹽加青檸汁，吊出佢既鮮味又唔會腥。紫菜非常香脆，配小柱靭度和特有既咸香， 美味しい！4）北海道帶子好滑、入口即溶、帶柚子
入到嚟，坐係廚師前面既bar 枱，正呀！
好有日本地道既感覺，睇住司傳係你面前用心用手製作每一件壽司、每一道菜，真係好一種觀能既享受、一種樂趣😊
前菜係：
北海道粟米刺身加黑豆
黑豆甜蜜蜜、軟硬度適中；白色既粟米多汁鮮甜
准山加上wasabi,爽脆；再配上三文魚籽既咸，使平平無奇既准山發揮開胃既作用；底下既蓮藕爽脆帶微酸。
依達卷 - 蛋卷帶香。
壽司碟上既開胃小菜係：
酸姜 -甜甜酸酸，開胃又好岩壽司興壽司間既間場清一下口腔。
牛蒡-漬煮味濃，醬油香
山葵漬准山、准山味濃厚、加上山葵既香，味道出色具特色
依度使用新鮮山葵磨出黎既wasabi，所以好香唔會攻鼻或太辣；准山清脆爽口。
司傅會問我哋有咩唔食，好細心👍🏻
進入主角既部份勒：
1）九州以南姬鯛壽司
司傅用熱水淥一下姬鯛既皮咁就唔會靭、加上油子皮帶點甘香。
2）富山縣白蝦壽司
蝦肉滑又綿，岩鹽帶出鮮味。
3）小柱 （乾瑤柱）壽司
小柱質感帶嚼勁，加上岩鹽加青檸汁，吊出佢既鮮味又唔會腥。
紫菜非常香脆，配小柱靭度和特有既咸香， 美味しい！
4）北海道帶子
好滑、入口即溶、帶柚子香，加上醬油令味道提升！
5）鱸魚魚腩鹿兒島、
魚肉偏清甜有嚼勁、爽身，加上辣椒末、蔥花令味道層次提升。
6）深海池魚
肉質平均、有油份、有味道、有口感、有厚道，海洋氣息濃郁，抹上醬油，味道更出色。
7）鹿兒島甜蝦配紫蘇花醬油
蝦肉鮮嫩彈牙甜美；紫蘇花既獨特氣味跟甜蝦好夾🥰
8）雙蝦壽司
外面既紫菜超脆，飯內加入芝麻、中間個層有東菇乾，上面放上用麻油炒香既蝦，濃郁花竹蝦味帶咸香，飯中既芝麻帶口感和香味，再來紫蘇葉既後勁，一件壽司既斯味道就好似香水般會變調。
9）牡丹蝦上放上燒熟既蝦膏，燒熟既蝦膏好香，牡丹蝦大隻、肉質彈牙又creamy🥰
10）鳥取toro
使用近鮫位既肉，比較多油脂,雪花紋，好綿🥰
11）瘦Toro
味道比較爽口。
12） 醬油漬赤身
肥美肉滑、加上大蔥香和醬油漬咸香，好美味
13）北海道海膽
使用全世界排列12位既海膽，司傅有意唔加紫葉，所以可以食到它的原味、鮮味。入口即溶，滑過雪糕，一份清新！
14）海膽三文魚籽漬飯
滑流既北海道海膽加上大大粒既三文魚籽充滿海洋氣息。
吞拿魚蓉手卷
司傅親手打魚蓉、切蔥粒、調味，用脆卜卜既紫菜包住，手卷就完成左了。
吞拿魚味濃郁、同大蔥係絕配，醬油香。
面鼓湯好豐富既材料令味道濃郁，包括油揚、豆腐、海帶、菇等。
甜品：
朱古力泡芙
蕨餅香軟帶甜、抹茶味香
蜜瓜超香密
食完今晚既Omasake, 心靈、口腹都非常滿足🥰
张贴
