金大班 (已結業)

開業兩星期左右，終於黎到試下新野，但未食已經一肚氣，D落單亞姐見到你扮睇唔到，就算比你截停到佢，佢只會叫你等陣，但完全唔會記得返轉頭同你落單！我以為一個係咁，點知叫左三個亞姐落單，態度都一樣！乜真係咁忙？個場已經唔爆，都搞成咁？幸好當日不算太餓，等左差不多二十分鐘，終終截停一位亞姐幫我落單！但眼見附近的食客哥哥，食客姐姐已等得十分不耐煩，走下一檯走下又一檯！如果我係老闆，呢刻應該幾心痛囉~~~講番食物，其實都ok，當日叫左個餐，有沙爹牛肉麵，mini豬仔飽，火腿蛋，個豬仔飽係外脆內軟個隻，加埋牛油，good...真係同一般茶餐廳唔同喎！其他食物就不過不失，奶茶亦有茶香，都唔錯~~~但我想講，如果D服務態度仲係咁差，食物幾好都假，加上越來越多新店開張，有得揀，就未必會再幫襯囉，希望店方真係可以改善下啦！