盤子工房 (建生商場) (已搬遷) 新店位置

约朋友系假日去屯门食lunch，呢间铺头装修风格行文青路线，主打各款热狗。每个餐都用木托盘装住，个卖相即刻提升~lunch hour好多人，想食就要早d去。揾咗位拣好餐，就去收银落单，侍应会送上食物。墨西哥莎莎莎莎酱热狗($37/set $44)，加多几蚊就变成set，多咗配菜及饮品，抵食。自家制莎莎酱主要用咗牛油果、蕃茄粒等食材，铺满系热狗包上面，感觉健康咗。而且脆皮热狗肠外皮脆卜卜，面包内层软，钟意可以用手拎起咬，又或者用刀切都一样好食。热狗份量好大，好够饱。配菜既薯角炸到够脆，入面软，虽然会热气，但莎莎酱感觉中和咗~是日特饮柑桔汁唔驶加钱，大热天时饮杯，好解渴消暑。多重浴芝士热狗($32/set $44)，拣咗杂果沙律。芝士溶系热狗肠上面，好邪恶。而且仲系热辣辣既芝士，一流。不过芝士味道可以再重一dd，咁味道就会更突出。沙律酱唔会好腻，而且沙律材料大小切得均匀，方便食。亦都可以拣薯条/薯角。餐厅除左有lunch提供，仲有早餐、tea及晚餐，种类都会有dd唔同。更有饭面可以拣，一定食到饱。