北海道十勝豚丼 (已結業)

自問咁大個仔劣食真係食唔少，阿媽教落好又一餐唔好又一餐，都冇話特別投訴。但今次真係遇到高手喇。比起小店更難食！我叫咗叉燒冷麵，咖哩雞石頭窩飯同薄豬扒小食。冷麵得個芝麻醬，冇其他汁，仲要生菜底，仲要有鹼水味。石頭窩飯，冇特別，算過關⋯⋯可能我鐘意多汁所以覺得佢個飯乾同超多飯焦。薄切豬扒⋯⋯煲湯瘦肉靚過佢⋯乾過腳皮，求其面頭淋啲汁⋯⋯今次出文其實同服務態度有關⋯⋯不停喺隔離掃地！我叫佢唔好掃態度仲衰，唔掃地就走去拖地⋯⋯講真，我未試過一間咁差嘅日式餐廳！