影片
食家推介
Megabox食个lunch唔平，如果唔想食快餐店，原来十胜豚丼个价钱都算实惠，选择丰富，除左午餐set之外，一般餐牌上既丼都可以配餐，仲可以将个饭升级做大盛，咁就唔惊会唔够食十胜烤猪肩𣍰饭，连埋汤同小食都系四十几蚊，碗饭几大碗，仲有大大块烤肉舖满饭面，真系几够份量味道方面非常唔错，猪肉本身偏瘦，食落都有少少韧，但上到台系非常香既，佢轻轻烤到表面金黄色，已经好好食👌🏻不过个烧汁个人就觉得甜左少少，如果调味多返少少捞饭应该更加好食。整体黎讲呢间都几有质素，不过都有发生漏单既情况，同埋坐位安排有d混乱，希望下次可以有所改善💪🏻
继续阅读
自问咁大个仔劣食真系食唔少，阿妈教落好又一餐唔好又一餐，都冇话特别投诉。但今次真系遇到高手喇。比起小店更难食！我叫咗叉烧冷面，咖哩鸡石头窝饭同薄猪扒小食。冷面得个芝麻酱，冇其他汁，仲要生菜底，仲要有碱水味。石头窝饭，冇特别，算过关⋯⋯可能我钟意多汁所以觉得佢个饭干同超多饭焦。薄切猪扒⋯⋯煲汤瘦肉靓过佢⋯干过脚皮，求其面头淋啲汁⋯⋯今次出文其实同服务态度有关⋯⋯不停喺隔离扫地！我叫佢唔好扫态度仲衰，唔扫地就走去拖地⋯⋯讲真，我未试过一间咁差嘅日式餐厅！
继续阅读
附赠饮品好足量 虽然系下午茶 整碗拉面物美价廉 超抵食 系返工人必选之一嘅地方 环境又好 啲员工态度都好好 终于被我揾到食靓野嘅地方啦 地方靓野食正 就算系上餐前被你饮嘅小小一杯茶 都可以令人开胃又暖胃 下次可以再来试下啲饭 拉面都咁好食 小小期待饭食啦
继续阅读
略嫌平时食开嘅午市套餐分量唔太足够，所以今次就转为嗌定食。十胜烤猪肩𣍰饭（大盛）大盛嘅份量果然系比平时大份好多，大碗加上饭几乎装满，差啲食唔晒。推荐猪肩𣍰， 呢个部分嘅肉食落好细滑又有口感，加上烤得好香脆。
继续阅读
同阿爸两个大男人系九龙湾食饭，谂唔到食咩好。最后选左呢间又平又算几好食。我地点左个烤薄猪扒饭，都系$48。猪扒有少少韧，但酱汁好味，加埋葱丝，拌饭一流，阿爸都食得几开心。
继续阅读