麵鮮醬油房周月 (歌賦街)

营业中

休息中

連續6年得到米芝蓮嘅榮譽拉麵店，今日行過上環終於有機會一試。不過嚟到嘅時間，係星期六嘅夜晚大概6點幾左右，只見10個人左右嘅隊排緊，等候時間都係10幾分鐘，可以接受。店內通道雖然比較窄，但座位都不少，而且廚房係半開放式，可以睇到製作過程到食物方面，嗌左一個周月沾麵同燒黑豚拉麵。沾麵份量任君選擇100/200/300G都有。由於一般肚餓，都係揀翻200已經夠飽。一般沾麵都有青檸附上，但呢間就冇，可能因為本身個沾汁已經有少少酸，而鰹魚同醬油味亦夠濃厚。燒黑豚拉麵湯底選左濃味，質感不過都冇話好濃稠，但味道都足夠。值得一讚係拉麵 肉嘅份量夠多，溏心蛋流心又入味。整體食物質素都中上，小食種類多啲就更好。