高興 (已結業)

今日放工終於得閒d 山長水遠黎到觀塘cafe 之前聽友人話黎到既pancake幾好食 於是今次就黎左啦～小食我地叫左個雞翼 總共有五隻 雞翼唔會話太細隻無咩肉 個醬汁係Buffalo 都算係幾入味Main dish 我地叫左個雜菌忌廉意粉同個肉眼扒 個意粉份量都幾慷慨 雖然味道唔算出眾 不過性價比好高 至於個肉眼扒我地叫左四成熟 都唔算話太生 肉質都幾嫩滑 配既係黑椒汁～ 都值得一試甜品緊係叫左呢到signature既pancake啦 本身諗住叫之前好hit既麥提沙pancake 點知原來已經無左 我地最後就叫左個雙重朱古力pancake~ pancake 口感非常厚實 而且味道好濃郁 雪糕入邊都夾雜住朱古力！推薦推薦！