星味坊烘焙專門店

星味坊烘焙專門店屬於新式街坊麵包店，相比傳統麵包店款式較多而且新穎，走中上價位路線，份量大大件。網上好多人推介布甸蛋撻同拿破崙。最近，途經長沙灣，所以專登過去買嚟試下。

布甸蛋撻

$12

1. 布甸蛋撻
曲奇皮香脆，布甸蛋漿蛋香味濃，表面焗得焦香。蛋撻分量十足，差不多是普通蛋撻的3倍，食一個已經好飽，好滿足。遇正新鮮出爐，一盤有不同焦香程度，同職員講要燶啲或者無咁燶都可以。

士多啤梨拿破崙、芒果拿破崙 $34@

$34

2. 拿破崙蛋糕(士多啤梨及芒果)
呢款係近年流行嘅新式拿破崙，三塊拿破崙脆餅，中間夾住奶油忌廉，選了士多啤梨🍓及芒果🥭味。