金華燒臘大王 (已結業)

呢到野食本身冇咩特別好食，因為最近減肥，見佢有菜心又做到全走，價錢合理，又唔使等位，就揀係佢到食但個落單阿姐講野真係好笑，同我講如果係飯市只係叫菜食下次唔做我生意，話叫多個湯先得。我真心覺得佢好笑，我入去，間餐廳都未坐夠一半人，我唔明佢點解要趕客！你話餐廳已經爆晒，咁我都算丫。你依家都冇乜人，有多張單你就做啦，講埋咁多廢話令人反感！菜唔係得你呢間先有，你今日咁講，得啦！我以後唔再幫襯！我出街食飯咁耐未見過咁既餐廳！難怪唔使等位啦～ 明晒！