享慢煮泰 (已結業)

本身一早book枱食晚飯7:00，2位，有8折，去到先知見到book枱有7折，於是問個4眼經理，佢話我book果陣無，宜家先做7折優惠，我即場book會book唔到喎，咁算啦，但係我又試下即場book又比我book到架喎，食食吓飯有2位客人walk-in無book位，又會安排到比佢哋入座喎？呢間嘢的手法好有問題，我食完飯先岩岩8:00，現場有一半位置係吉嘅，又會book唔到囉。不過食物質素係ok嘅，但啲人服務態度就麻麻囉，7折事件我覺得可以處理得好啲，叫佢酙水就虎虎氣氣咁答你「得，你等一等」，好似驚死我催佢咁款。有另一組客話4位，不過知道其中一位要坐輪椅就話唔方便。我從未留言但都要提醒各位，自己考慮，比完錢唔開心就無謂啦