三星台菜食堂 (新城市廣場一期) (已結業)

之前食過灣仔分店，味錯不錯！今次揀沙田食餐生日飯，主要想遷就手術後康復中仲坐緊輪椅♿️嘅朋友。到咗餐廳未夠18:15，入座同職員講咗會有位坐輪椅朋友同行，點知10分鐘之後隔離高枱入咗一位外籍男子，高櫈一拉開已經頂住我哋出入，莫講仲要放輪椅餐廳安排差，唯有主動再同職員講，點知又問來問去，先安排調枱！調完枱我哋坐得底又過咗10分鐘朋友推住輪椅沿住餐廳外圍去到最尾張枱...一坐底嗱嗱聲已經睇餐牌要點菜，到我見到點菜紙都已經係18:43，開始食第一啖都已經18:50...三個人叫咗：蕃茄三星麵，滷肉飯，A菜，豬耳，2杯鳳梨特飲，1杯水果茶。正當我地想叫埋甜品...19:05職員過嚟我未講佢就講：「提返3位你哋用餐時間就夠鐘」，晚餐用餐時間一小時，有冇啲苛刻？調位安排用咗時間又點計？補唔補鐘㗎？以上我都冇問，見仲有10分鐘先19:15，時間應該會有走棧啩⋯⋯咁就order埋個甜品，講完之後職員答：「要問下比唔比落甜品先...」然後就行咗去又好快返轉頭答：「因為用餐時間已夠，唔可以比你哋加甜品啦」好不滿好不滿好不滿我哋食埋枱面一半嘅食物，諗住換地方食甜品啦！點知有2位職員已經牛咁眼望住我哋枱，連埋拒