河內大娘越南餐廳 (已結業)

星期五晚上8點已經要乜冇乜，連米紙矇粉都冇，態度差到連我啲完全唔識中文嘅外國朋友都感受到。全部都話，哇啲態度超級差囉唔係啊嘛。連問攞多2個瓷羹都俾個auntie鬧，話我哋邊有咁多瓷羹俾妳.... 我哋5個人，我嗌咩妳乜鬼都話冇，仲態度好差咁覺得我哋搞咁耐都 order 唔到幾樣嘢。妳鋪頭乜都話冇我要係咁繼續睇餐牌好正常。最後焗住嗌咗4個小食，4個餸同埋3碗湯河。外國人唔太識用筷子想要瓷羹真係咁難為妳咩？食物質素麻麻，再加上呢種態度真係西到冇朋友。奉勸大家唔好嚟，出面大把服務同食物質素好過佢嘅越南泰國餐廳，無謂俾錢受氣。