泰潮 (嘉咸街) (已結業)

5人行，食個下午茶餐。4個餐到晒，一個咖咉西多士配香葉包雞等咗一個鐘都未到，得杯飲品。好聲好氣追幾次，唔理，成枱人食晒，廚房都無再不斷出貨，我地先再追。阿叔一路斟滿d醬，一路話係要耐的。我地話一個鐘㗎啦喎。佢態度勁差話係咁呀繁忙時間。環視全場都走咗2/3。佢見我地有不滿，就話咁取消囉。我地也好易話為，就取消啦咁。然後就唔見咗人，唔見咗10分鐘都無人跟進。問呀姐，呀姐話咁取消西多，我地又再講多次係成個餐都無到，得杯奶茶，要成個餐取消。佢好意思話個餐飲飲咗梗係要計錢。又話呀叔包緊外賣未得閒跟我地枱既野。最後再鬧，呀叔遠遠叫咗句：「取消個餐，杯飲品送俾佢。」幾客氣呀。人品態度差的食肆，再見不見⋯⋯ *米芝蓮？ 茶餐廳質素罷了。