明記咖啡糖水小食 (已結業)

同女朋友收咗工黎食個糖水慰勞下大家一天嘅辛苦，你間糖水都食咗好多年。我就叫咗個雪糕多芒小丸子， 雪糕係芒果味不過就唔算好滑同埋較為甜芒果味唔算好濃， 入面嘅小丸子都有大概15至20粒好有咬口配合埋啲芒果同埋芒果雪糕食幾好， 而入面嘅芒果唔算太多反而芒果嘅冰沙同埋芒果汁較多所以成碗較為甜。入面嘅芒果有少少爛爛地嘅感覺所以唔係幾好。而西米露涼粉還可以唔算太甜西米露較多同埋入面都食到有好重嘅椰汁味涼粉唔算好多，汁較多。不過職員嘅態度真係有待改善因為唔係幾友善，同埋坐低好耐枱面都未執好，仲有上一手遺留嘅食物。