銀杏館 (已結業)

尋晚同老公慕名而來,順道同老公補返餐生日飯!老公,生日快樂!不過地點真係好吊腳,要行樓梯上去,都真係幾攰!鋪頭唔大,但係環境都OK!我地坐左係二樓,樓上得6張枱,我地7點鐘去到,坐低既時候已經有兩枱坐緊喇!初頭都OK,後期有D嘈,因為空間太細,樓底唔夠高,所以會困聲D,不過整體都OK! 講返食物,我同老公叫左一個黑松露茄子扁意粉+套餐 , 紅酒燴羊膝薯蓉+套餐(即係加$40有湯有沙律有餐飲,如果加$60個個餐就會多兩隻生蠔),沙律都好大碟,D菜都好新鮮,什菜湯D料就好足喇,不過淡左D,唔夠濃郁.羊膝好林,不過汁就比較淡,黑松露我唔知係真定假,我都係第一次食,有D咸咸地,唔識得形容,不過本人就唔係好接受喇,扁意粉就比較硬身,可以再軟返少少!我明明見過有人話有JELLY食,但係我有問伯伯,佢話無既?之後老公想叫甜品,但係伯伯竟然話呢度D甜品又貴又唔好食,叫我地唔好食,真係多謝佢既提點,不過老闆聽到唔知會唔會唔高興呢?雖然食物質數真係未至於好好,但係伯伯既熱情款待令到我地都感覺好好!