牧羊少年咖啡館 (香港文化博物館)

同朋友踩完單車，攰攰地經過依間cafe就諗住入去坐下，入到去個環境都幾好，幾有格調，就算唔食野我都推介大家去坐下，但一場黎到又點可以唔試下依到既野食呢，所以係到我叫碟野食同一杯野飲，感覺都唔錯架，而家同大家介紹返：

明太子鮮蝦意大利粉 - $98
依個真係推介比大家，意粉係炒得好入味而唔油膩，蝦都好大粒而且好有咬頭，再加埋鋪滿哂係意粉入面既明太子，口感真係非常豐富。

朱古力牛奶咖啡 - $46
依杯咖啡都幾好飲，首先佢唔係太甜，牛奶令到成杯野既味道岩岩好，唔會太甜，同埋都真係幾大杯，食完個意粉都真係飲到好飽。