Shine (已結業)

先講唔好先🙈🙈主菜叫左龍蝦$588，因為佢係計安士，咁可能因為佢個頭好大，所以重量都比較重，龍蝦既身近乎無肉可食，加上仲要overcook,所以苦苦地都已經失望,但以為最後都可以食龍蝦頭，點知成個龍蝦頭裡面竟然係吉嘅，唔知佢哋攞咗個頭裡面既野嚟煲湯定點，我覺得$588完全唔值！蟹餅$98/件，正👍🏻成個口都有濃烈嘅蟹肉味明太子三文魚子帶子意粉$228，正，意粉軟硬度煮得恰到好處，醬汁好creamy👍🏻帶子唔會煮到過熟，亦係啱啱好👍🏻隔離枱嘅女仕見到我哋既龍蝦又想嗌龍蝦見到我哋個蟹餅又嗌蟹餅見到我哋碟意粉叫叫同一碟意粉，相信因為賣相真係唔錯，或者真係隔離飯香但係佢哋嗌唔到龍蝦，因為我哋嗰隻係最後一隻，我反而覺得佢哋好幸運，唔使中伏，而我就唔好彩啦🙈順帶一提餐廳完全冇隔音，所以隔離枱好嘈的話，真係完全係嘈到好嚴重，幾位女士嘅聲音分貝真係好嚴重，我地一個鐘就嗱嗱聲埋單！