大力素食

营业中

休息中

見到有個大大嘅宣傳招牌，就諗住入去試下，不過我估對比以前真係風光不再，連個牌扁名都唔係好清楚 個食字都冇埋。但入面都好多人，我地兩個人要上上面果層搭枱，一張圓枱俾四pair 人坐，但感覺都可以，唔會太有壓迫感。餐牌有好多野揀，因為我唔係好想食假素,即係咕嚕肉呢啲，所以揀左雲吞、金菇蟹肉扒西蘭花同埋茄子醬爆魚旦。講左雲吞先，個湯味道有啲似雞湯，偏咸，唔知係咪落左味精。一碗總共有八粒雲吞，啲皮都比較厚，入面有雲耳同埋素肉，咬落去多汁同埋雲耳好爽口，味道不錯！不過食兩三粒就覺得好好味，再食多啲就感覺有啲膩。 個底仲有啲旺菜食下！佢啲金菇會加埋羅白絲，蟹肉佢用蟹柳，但同普通蟹柳有少少唔同，口感偏硬。西蘭花最好味，清甜，但整體冇乜特別。呢碟更加冇乜特別，本身以為醬爆魚旦會有啲特別野，點知都係普通魚旦味，茄子偏咸，有啲素肉絲係度。兩個人食嘅話唔算大食嘅都足夠，但183 蚊都唔平，會黎試多次佢啲假肉，睇下會唔會好味啲。