影片
更多
2010-10-11
8 浏览
星期六下午人在中環，想係食晚飯前食少少野，突然諗起勝香園，記得差唔多4、5個月之前黎過，見到條人龍就嚇怕左，上前就無排隊。今次見人龍無咁長自己又有d時間，一於會一會佢。等左大若20分鐘左右，見到有人走但阿姐又無示意叫我地過去坐，不過，醒目的我做定「功課」知道黎呢d地方食野最緊要自己醒水，唔好期望有正常、正規的服務，我見有位即刻同男朋友過去坐低，檯上都有menu喎，睇左兩眼就叫左以下items。熱奶茶咸檸蜜檸蜜脆脆蕃茄餐肉蛋麵熱奶茶的奶味幾濃，飲真d之下又飲到茶味，都唔錯。男友最鐘意飲咸檸7，出奇地今次叫左杯咸檸蜜，我都係第一次聽！咸檸已被搗爛，個樣好陳年，好似好犀利，飲落又真係好夠味，strong到已經飲唔到有蜜糖的味道。檸蜜脆脆係我一直想黎食勝香園的原因，無他既，貪得意囉，其他地方無聽過有供應麻。但其實<澳門茶餐廳>已經有喇，試食過但覺得唔認真，只係烘脆左的豬仔飽上搽d韓國柚子蜜。勝香園的檸蜜脆脆就有多點誠意，飽烘得好脆，食過個醬唔似來貨的韓國柚子蜜，可惜size細左少少而且甜左d。馳名的蕃茄餐肉蛋麵，蕃茄份量尚算多，湯底就無其他食評所提供d相咁紅，所以我亦食唔出好濃
今次見人龍無咁長自己又有d時間，一於會一會佢。等左大若20分鐘左右，見到有人走但阿姐又無示意叫我地過去坐，不過，醒目的我做定「功課」知道黎呢d地方食野最緊要自己醒水，唔好期望有正常、正規的服務，我見有位即刻同男朋友過去坐低，檯上都有menu喎，睇左兩眼就叫左以下items。
熱奶茶
咸檸蜜
檸蜜脆脆
蕃茄餐肉蛋麵
熱奶茶的奶味幾濃，飲真d之下又飲到茶味，都唔錯。男友最鐘意飲咸檸7，出奇地今次叫左杯咸檸蜜，我都係第一次聽！咸檸已被搗爛，個樣好陳年，好似好犀利，飲落又真係好夠味，strong到已經飲唔到有蜜糖的味道。
檸蜜脆脆係我一直想黎食勝香園的原因，無他既，貪得意囉，其他地方無聽過有供應麻。但其實<澳門茶餐廳>已經有喇，試食過但覺得唔認真，只係烘脆左的豬仔飽上搽d韓國柚子蜜。勝香園的檸蜜脆脆就有多點誠意，飽烘得好脆，食過個醬唔似來貨的韓國柚子蜜，可惜size細左少少而且甜左d。
馳名的蕃茄餐肉蛋麵，蕃茄份量尚算多，湯底就無其他食評所提供d相咁紅，所以我亦食唔出好濃郁的蕃茄味，不過我唔太鐘意蕃茄，所以無咩所謂。兩塊餐肉煎得好薄好脆，男友話佢好耐無食餐肉，我答係呀，鹽份高，唔可以食太多所以以家食落特別好食。Overall 都ok，只係如果呢個麵係「名物」的話又好似驚喜不大。
不過最開心既係d阿姐阿嬸好得意，例如後來搭檯的90後男女，遲遲都落唔到單，有幾個scenarios
第一，佢要睇餐牌，又攪笑既，我地之前睇開個餐牌唔見左，佢叫阿姐俾佢，叫左5分鐘都無我睇，終於佢自己係第二張攞。
第二，佢想落單，叫左幾次一係無人理，一係傳菜的阿姐話「我唔寫野架！」，最經典有個阿嬸答佢「唉，我頂唔緊喇！」就無再理佢。(估計係因為太忙，太多人要阿嬸應付)
個男仔好無奈咁再等左一陣，有個後生少少的阿姐終於幫佢落單，哈哈！
有另外一張檯，又係同一個阿嬸落order，食客成功叫到阿嬸埋去，但又諗唔到食咩，阿嬸話「快d啦，諗咩姐諗！」(語氣唔太吋既)，旁邊人如我聽落覺得好攪笑。
有時候，如果你抱住一個開懷的心態去呢種地方食野，你食到的正正就係呢種「真」，呢一種人情味。願香港一直有勝香園！
张贴
