夢の丼 (已結業)

能夠係土記食到呢間餐廳，真係小確幸。因為呢間可以算係土記黎講嘅一間高質日本料理餐廳。店內環境舒適，播住日本音樂，有feel。我地叫左個刺身丼飯同店名一樣，都係叫夢之丼，有海膽，牡丹蝦，粒貝，火灸三文魚他他，三文角子，左口角邊等等時令海鮮嘅夢幻組合，真係好豐富。重點係每樣食材都係新鮮嘅，好多都係日本空運到港，真係保證新鮮。而我地仲叫多個花錦魚生丼，主要係用唔同嘅時令海鮮組合而成嘅，賣相同食落都係唔錯嘅。而左口魚邊壽司，刺身經過火燒過之後，魚嘅油脂都出哂黎。蟹膏豆腐都係好印象深刻，蟹膏嘅濃郁味道同豆腐嘅軟滑口感真係好匹配，留係口腔嘅餘韻更是耐人尋味。慢煮鮑魚配肝醬處理得好好，尤其係肝醬，為鮑魚調味提鮮，確係唔錯。深海池魚刺身，金目鯛刺身，都係好靚好新鮮，各有獨特質感，真係味覺嘅享受。最後仲叫左吉列廣島蠔，炸粉完美包住隻蠔，而且仲食到蠔嘅鮮味，確係值得讚賞。呢間鋪嘅冷熱食都係處理得非常到位，質素高，值得再黎。