影片
更多
2017-09-14
113 浏览
既然放假，就決定出淘大商場行吓，等男人收工就可以過嚟會合我一齊食晚飯。行吓行吓，比我見到呢一間cafe，好似感覺都唔錯，一於決定晚餐就係佢啦。餐廳以藍色和白色為主，不斷播左輕音樂，感覺10分舒服及寧靜，令人心情自然放鬆，好似去咗度假咁。男人叫咗個熱朱古力，好好笑啊，原來佢係一杯熱牛奶家樂朱古力度撈勻就成為一杯熱朱古力啦，點知飲落又真係好香濃喎。我叫嘅台式水果茶，酸酸甜甜好好飲呀！仲有好多生果食添！牛仔骨套餐有碗飯啦，有個味增湯，仲有一大盆牛仔骨。牛仔骨10分厚身，外面燒得焦香，入面鮮嫩多汁，超好味。男人叫咗個台式牛肉麵牛肉10分嫩淋，湯頭肉味鮮甜，面質有咬口，拍得住台灣水準。舒舒服服安安靜靜又一餐，喺呢度食嘢真係配得想愜意啲兩個字
餐廳以藍色和白色為主，不斷播左輕音樂，感覺10分舒服及寧靜，令人心情自然放鬆，好似去咗度假咁。
男人叫咗個熱朱古力，好好笑啊，原來佢係一杯熱牛奶家樂朱古力度撈勻就成為一杯熱朱古力啦，點知飲落又真係好香濃喎。
我叫嘅台式水果茶，酸酸甜甜好好飲呀！仲有好多生果食添！
牛仔骨套餐
有碗飯啦，有個味增湯，仲有一大盆牛仔骨。
牛仔骨10分厚身，外面燒得焦香，入面鮮嫩多汁，超好味。
男人叫咗個台式牛肉麵
牛肉10分嫩淋，湯頭肉味鮮甜，面質有咬口，拍得住台灣水準。
舒舒服服安安靜靜又一餐，喺呢度食嘢真係配得想愜意啲兩個字
张贴
