漁獲浜燒 (已結業)

今日老友帶我食咗間佢至愛嘅日本餐廳。真心覺得幾正 😍 經店員介紹下點了支300ml，#大吟釀 🍶「醉樂無極」，順喉輕柔帶有淡雅辛口感，很合適配刺身食👍☺️。先食刺身盛～大大隻牡丹蝦，啖啖肉，非常鮮甜同彈牙。～又肥又厚嘅拖羅油脂豐富，一啖食落去入口即溶，回味無窮。～馬糞海膽配脆卜卜紫菜，鮮甜無澀味。仲有三文魚同油金魚都好新鮮呀。配以dry 身回甘嘅sake，刺身海鮮加sake 又夾更好食😋魚獲浜燒盛盒🍤🦀️🦪賣相一流，店員會逐款幫我哋燒，可以慢慢食每款熱辣辣嘅燒物。珍寶大蝦，差唔多隻碟咁長，上碟時有燒鮮蝦香味，彈牙可口。鮮蠔十分大隻飽滿、松葉蟹鮮甜、燒鮑魚爽口味鮮；個人鐘意點埋柚子胡椒醬；更提鮮。另外有兩個隻超大帆立貝：分別配牛油同芝士燒；芝士有拉絲，好味又治愈。蟹肉黃金海膽炒飯🥘炒飯粒粒分明，配蔥花蟹肉，加上creamy 海膽，好食又滿足。蘋果雪芭/菠蘿雪芭🧊最後嘅甜品係日本直送嘅雪芭，清新香甜。