意粉屋 (已結業)

今日呀某請食飯，又去番我既飯堂。十二點九入到去，勁多人。結果我地坐左去二人位度。今日食個蒜蓉牛扒熱鍋飯配蘑菇汁，仲有個蒜蓉包加忌廉湯。蒜蓉包:焗得有D過火，但好香牛油味加小小芝士味。忌廉湯:無乜特別啦。牛扒熱鍋飯:呢個唔錯啦，有兩塊牛扒放係面，雖然係化學牛，但都有小小牛味啦。個飯都整得剛剛好，而個汁都加左D蒜蓉去整，更顯惹味。飲品:雲呢拿奶昔，雪糕同奶配搭得好好，唔會太甜。過左今日，我相信下個月出左糧先可以再來呢個"飯堂"開餐啦。多謝呀某請食飯。