影片
更多
2016-12-27
384 浏览
難得黎到沙田，特登搵左間好似好吸引嘅餐廳。六點幾去到，已經有好多人排隊等開晚市，好彩我地都入到去。雖然有一啲套餐，但好似分開叫吸引啲，所以都決定分開叫。叫左野食之後，會上左餐包先，仲係暖暖地，都幾軟，包嘅外皮微脆，仲有少少香草味，配上黑醋都係一個唔錯嘅開始我地叫左一個鵝肝，首先個擺盤十分唔錯，賣相精緻，望落已經好吸引。鵝肝外皮煎到微焦，所以有脆脆地嘅口感。而入裡十分嫩，油脂十分香口。而上面係紅酒蘋果，紅酒蘋果嘅紅酒味唔太算，甜甜地帶微酸，有開胃嘅感覺。配埋鵝肝一齊食，令呢道前菜減少油膩感，更加開胃。第二道係長腳蟹意大利飯。上面有啲沙律，而下面係意大利飯。中間仲有一塊輕輕烤過嘅芝士。賣相又係好吸引，味道都唔錯。意大利飯飯質可以食到明顯嘅飯粒，係我中意嘅style 。而香草味都幾突出，比一般嘅意大利飯香。但長腳蟹部份就有啲普通。蟹味唔算好鮮甜，但份量都幾大條，可以食到啖啖肉。重頭戲就叫左個豬手。賣相都係唔錯，外皮勁酥脆，食落去仲會有脆卜卜嘅聲。而裡面嘅豬手肉反而好嫩，叉落去都有啲散散地。而豬手下面有薯蓉，薯蓉吸收晒豬手嘅味道，食落去有幾濃嘅豬手味。而且份量都好大，有兩個人份量。不過味道偏鹹
雖然有一啲套餐，但好似分開叫吸引啲，所以都決定分開叫。
叫左野食之後，會上左餐包先，仲係暖暖地，都幾軟，包嘅外皮微脆，仲有少少香草味，配上黑醋都係一個唔錯嘅開始
我地叫左一個鵝肝，首先個擺盤十分唔錯，賣相精緻，望落已經好吸引。鵝肝外皮煎到微焦，所以有脆脆地嘅口感。而入裡十分嫩，油脂十分香口。而上面係紅酒蘋果，紅酒蘋果嘅紅酒味唔太算，甜甜地帶微酸，有開胃嘅感覺。配埋鵝肝一齊食，令呢道前菜減少油膩感，更加開胃。
第二道係長腳蟹意大利飯。上面有啲沙律，而下面係意大利飯。中間仲有一塊輕輕烤過嘅芝士。賣相又係好吸引，味道都唔錯。意大利飯飯質可以食到明顯嘅飯粒，係我中意嘅style 。而香草味都幾突出，比一般嘅意大利飯香。但長腳蟹部份就有啲普通。蟹味唔算好鮮甜，但份量都幾大條，可以食到啖啖肉。
重頭戲就叫左個豬手。賣相都係唔錯，外皮勁酥脆，食落去仲會有脆卜卜嘅聲。而裡面嘅豬手肉反而好嫩，叉落去都有啲散散地。而豬手下面有薯蓉，薯蓉吸收晒豬手嘅味道，食落去有幾濃嘅豬手味。而且份量都好大，有兩個人份量。不過味道偏鹹左少少，如果可以淡少少或者多啲薯蓉配搭就更加好
飲品方面都叫左杯手工啤酒。呢杯係桃味嘅手工啤酒，味道有好大陣桃嘅甜味，啤酒濃度唔高，好岩我呢啲中意飲水果味啤酒嘅人
去意大利餐廳食飯嘅機會唔多，今次嘅經歷都冇令我失望。
张贴
