影片
更多
2015-07-19
1106 浏览
是咁的, 係沙田圍開間意大利菜的確係一個挑戰! 要不是友人住樓上, 可能就此錯過一間美食了!店內裝修簡約, 大概只有十幾張枱。只係影左menu最吸引果版哈哈, 就係main course啦, 有好多選擇。我地3個人揀左一個沙律, 一個pizza, 鵝肝配牛柳5成熟, 同羊架都係5成熟。南瓜湯- 成個湯好濃既南瓜味, 而且每一口都係南瓜蓉, 味道唔會好咸, 清清甜甜, 無味精之作。煙三文魚+火腿沙律-食主菜前先來個沙律開開胃! 煙三交魚有四塊, 都幾大塊, 好好味! 火腿都有四塊, 可以配埋側邊既意大醋食, 酸酸地味道幾夾。沙律菜有好幾款, 我都唔太識分, 但幾好味, 仲有配埋啲cheese入口即融!火腿火箭菜pizza-係超薄批黎既, 岩哂我地3個女仔唔會太濟。薄批好脆但又唔會太硬, 因為有好多cheese食落又脆又香口。鵝肝配牛柳- 個樣靚仔到呢! 份量唔會大, 但一個女仔食我諗都夠啦! 鵝肝煎到好香, 外脆內軟; 至於牛柳唔知點解變左3成熟?! 不過唔緊要, 好食既牛3成熟先係皇道! 牛肉好淋, 入口即融, 有so味好好啊! 薯蓉都好滑, 略嫌個汁淡左少少。生到一個點! 但好好味羊
店內裝修簡約, 大概只有十幾張枱。只係影左menu最吸引果版哈哈, 就係main course啦, 有好多選擇。我地3個人揀左一個沙律, 一個pizza, 鵝肝配牛柳5成熟, 同羊架都係5成熟。
南瓜湯- 成個湯好濃既南瓜味, 而且每一口都係南瓜蓉, 味道唔會好咸, 清清甜甜, 無味精之作。
煙三文魚+火腿沙律-食主菜前先來個沙律開開胃! 煙三交魚有四塊, 都幾大塊, 好好味! 火腿都有四塊, 可以配埋側邊既意大醋食, 酸酸地味道幾夾。沙律菜有好幾款, 我都唔太識分, 但幾好味, 仲有配埋啲cheese入口即融!
火腿火箭菜pizza-係超薄批黎既, 岩哂我地3個女仔唔會太濟。薄批好脆但又唔會太硬, 因為有好多cheese食落又脆又香口。
鵝肝配牛柳- 個樣靚仔到呢! 份量唔會大, 但一個女仔食我諗都夠啦! 鵝肝煎到好香, 外脆內軟; 至於牛柳唔知點解變左3成熟?! 不過唔緊要, 好食既牛3成熟先係皇道! 牛肉好淋, 入口即融, 有so味好好啊! 薯蓉都好滑, 略嫌個汁淡左少少。
生到一個點! 但好好味
羊架- 又係好靚仔! 有成4件咁多, 都幾抵!出面煎到好香, 有少少面包糠, 又係外脆內軟既口感, 如果羊味可以更so就perfect啦!
lime soda-好奇怪, 杯野係綠色@@ 不過味道係正常既, 好酸下, 消濟一流!
题外话/补充资料：
希望可以改善下員工既質素, 太hea
(以上食记乃用户个人意见 , 并不代表OpenRice之观点。)
张贴
