UniQue

营业中

休息中

秋風氣爽就會令人想去郊區, 於是就約左朋友星期六去西貢行下…玩到夜晚就搵下附近有咩好野食。見附近有間唔錯既餐廳就決定試一試,環境舒服,我地坐低左就急不及待去拎野食。聽職員講而家餐廳做緊泰式主題,所以就特別拎左啲泰式野試下…青咖喱食落有少少辣唔算heavy,甜酸泰辣魷魚酸酸甜甜,令我胃口大增。泰國香菜蠔仔煎蛋香脆可口,但略嫌太油…另外原來有即叫即燒既海鮮同扒類, 我地每人叫左兩隻蒜茸碳燒生蠔, 生蠔雖然唔重海水味, 但係就好Creamy, 我地每人都encore左兩隻…另外即燒燒腩仔皮脆肉嫩,岩晒我地呢班食肉獸食到咁上下我地就開始進攻甜品區, 有好吸睛,大人同小朋友都中意既朱古力噴泉,仲有泰式芒果糯米飯同泰式芒果春卷…唔知係咪踏入左芒果既季節,香甜既芒果再加上煙韌糯米飯, 令人食唔停口…值得向大家推介...