15
7
1
| 餐厅: | UniQue |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
| 餐厅: | UniQue |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
以上资料只供参考，请与餐厅确认详情
相关文章
好味指数😋😋😋回头指数 ⭐️⭐️⭐️开心指数🤗🤗🤗🤗从来都唔知道科大入面有酒店，有屋企人响大学做教职员，因为收到宣传电邮提前 book 位有7折，问我同家中长老复活节入唔入去食 lunch semi-buffet，我觉得假期同老人家入去行吓都唔错丫，就去试吓。坐巴士去到科大南闸，其实呢边我都冇去过，以前只系去火鸡正门𠮶边。落咗巴士后要行15分钟左右，去到一座会议大楼就系，外表真系完全睇唔出系酒店😅 呢间酒店系由 L' hotel group 营运。主菜有6款，除咗我哋叫嘅款式，仲有三款系意粉、春鸡同牛肋骨，叫咗主菜就可以出去自助区攞嘢食。🍴烧加拿大豚肉扒配柚子汁（$218）呢个系煮得最好，厚切豚肉扒熟度啱啱好，中间有少少 pink，肉质爽得嚟有肉汁，柚子汁酸酸甜甜解油腻感，好味！🍴澳洲谷饲牛柳配烧汁（$228）牛柳叫咗5成熟，切开后比5成熟多咗丁丁，不过仲系好软腍有咬口，外皮有焦糖化嘅脆口感，肉质都唔错～🍴香煎三文鱼柳配莳萝香草汁（$208）呢个系有少少失望嘅，放上台一刻已经知道煎耐咗，切开时果然鱼肉已经好干，要靠个 creamy 嘅汁救一救。三款主菜嘅配菜都系一样，配唔同嘅汁有唔同风味，其实三款汁嘅味道都唔嘅～ 我见到其他台叫牛肋骨，大大份睇落唔错呢～ 自助区分咗5个部分：1️⃣沙律区有3款新鲜蔬菜 + 12款配料 + 4款沙律汁可以自制沙律，另外有3款已调好味嘅沙律。已调味嘅沙律系会换款，用料系普通嘢，味道okay，自制沙律系正常嘢，都算多选择。Cold cut 有3款，另外有烟三文鱼同4款芝士，呢几类食物都好一般，尤其4款芝士，劲硬，好似放咗好耐，cracker 系腍嘅～2️⃣汤、小食及面包中汤系粉葛猪骨汤，西汤系野菌忌廉汤，两款汤味道唔浓郁，稀稀哋，中汤相对比较好饮。小食有炸春卷同咖哩角两款，炸得香脆，唔错。面包有4款，隔离仲有个滚动式多士炉可以整热食，不过我冇试。3️⃣甜品区生果有菠萝、西瓜、蜜瓜。Chocolate fountain 配有棉花糖同生果串。蛋糕有蓝莓芝士蛋糕、tiramisu、madeleines，另外可能系复活节关系，有一个芒果 mousse cake 配可敲碎嘅红萝卜造型朱古力，蛋糕当中以蓝莓芝士蛋糕最好食，其他正常。亦都可能系复活节关系，有多款朱古力、糖果同兔仔造型棉花糖。最后有4款 häagen-dazs雪糕杯。4️⃣ 喇沙有厨师即场制作，可以拣米线或米粉，另外配有虾、大鱼旦、豆腐卜同菜，可能因为大学入面又唔算太忙，我哋想叫一碗 share 试吓，我哋问可唔可以双拼米线 ＆ 米粉，配料每样俾3件，厨师好开心答可以！汤粉配料唔错，虾肉爽口，鱼旦弹牙，汤底比较淡。5️⃣ 饮品近门口位有橙汁特饮，另有咖啡机制作唔同种类咖啡，亦都有热红茶同新鲜柠檬，冰同糖浆，可以自制冻饮。咖啡唔好饮，觉得咖啡豆一般，我决定用半个云呢拿häagen-dazs雪糕整 affogato 食～整体上自助区嘅食物款式都几多，亦都有职员睇住进度换一碟新嘅，质素唔算出色但尚算正常，主菜方面除咗三文鱼差D 外，另外两款都几好食。台与台之间有宽阔距离，坐得好舒服，加上人流唔多，自助区唔会好多人攞嘢食，亦都 keep 得好干净，食得好舒服～ 景观方面因为外面大兴土木，唔太算靓景。用餐时间相当充裕，可以食到2:30pm，因为唔需要加一服务费，7折后每人都系$150多D，虽然自助区唔算出色，但可以任食4款häagen-dazs 雪糕，以价钱同环境舒适度嚟讲，绝对对得起个价钱！
继续阅读
288 元1位 小朋友 188 元1位科大卡有八折食物种类较少冷盘：烟三文鱼 、沙律热盘：5-6 盘，串烧和咖喱鸡味道可以有炒面，味道一般有蒸蕃薯和南瓜🎃有些汤和糖水，中汤只有盐味雪柜有哈根大师雪糕，有4/5 款味道甜品有三款，蓝莓芝士蛋糕ok还有一个厨师是煎蛋的，你也可以加其他配料整有可乐汽水，橙汁，还有自助咖啡机可以用这个价钱可以在科大食其他，偏贵环境ok, 但卫生方面就有改善空间，有乌蝇飞，但员工也不怎处理
继续阅读
原来西贡科技大学里面有间酒店嘅西餐厅, 世外桃源咁,望住个好靓嘅海景. 学校原来已经全面开放,欢迎校外人士. 今次经朋友介绍入去食圣诞大餐🤤🤤. 带埋老人家同小朋友一齐入去庆祝, 揸车入去非常方便,因为酒店里面有大量车位. 食物水准高,服务都好好,非常细心. 下次一定再去.
继续阅读
科大最/第二贵嘅餐厅？但系毕咗业一年番黎，又想拣间环境靓嘅就试下😂朋友话Unique可以望到海环境靓、几Chill，我个人认为算系科大最体面嘅餐厅😂🤣于是决定同朋友两个食。🐟主菜～$118-188，价格当然偏贵，但个鱼唔错几好食；而且高级餐厅嘅午餐，难得食一次算系咁啦🤣。叫左鱼同鸡，冇记全名鱼系蕃茄薯仔洋葱红萝卜🥕汤底（？），因为好重料，应该叫做汁好啲😂？比想像中足料浓厚汤底，唔会被蕃茄酸味主宰，反而系和暖满足嘅味道，薯仔入口粉糯，吸收左满满蕃茄浓汤，滋味口感丰富多样，跟鱼嘅搭配得宜，鱼肉肉质细腻软松软，目前MVP。🐓鸡我冇咩印象，就几好食，调味不错，但不是很juicy口感嫩滑的那一种。配菜一般。☕️饭后一杯咖啡或茶，例牌收结。总之得闲食一次还可以😌、尚可不俗，但不会每天吃😂🤣
继续阅读
因为啊爸系alumni所以有discount可以叫main 大概~$150/碟 不过我冇叫主要食佢嘅自助沙律吧 甜品有个芝士同面包bar 个包新鲜制造 Salad bar 配料选择劲多个人认为最好食系上面依个紫薯提子干沙律😍系真紫薯黎 仲要劲甜又好香紫薯味 配沙律酱同提子干几夹其次系佢嘅芝麻酱豆腐佢豆腐比较硬身 上面放咗啲木鱼片(日本章鱼烧上面𠮶啲) 令豆腐冇咁斋食到豆腐清清地嘅味之余又好够味虽然唔知点解啲酱系绿色 整系食到芝麻酱味佢都有啲几特别嘅野食 例如抹茶冷面 秋葵食三四轮沙律都饱饱地Pastry bar上面依个烟三文鱼挞都系必食!超好食虽然细细粒 但系真系有几多三文鱼架挞皮好脆❤️同时唔油 感觉比较健康热食唔多多数炒菜 个虾米娃娃菜都几好食甜品bar唔算吸引生果反而好食 佢啲菠萝同西瓜劲甜劲多汁🤤-每人$100唔洗 就已经食到超饱当然野食选择冇高级酒店buffet 但系味道几好👍🏻环境好 望海景服务好最紧要超抵食!
继续阅读