影片
更多
2010-06-30
48 浏览
星期日跟老公訓到下午1:00才起床, 這天難得遊閒, 所以想找一間環境好的餐廳食一餐豐富的。於是上來openrice搵吓有咩好食, 見到呢間餐廳有過百人讚好, 而佢地既招牌菜又係我鍾意食既藍青口, 就決定去呢度食我地既遲來的午餐。上到去已3:00, 餐廳內一台客都冇, 我地包場! 見餐應環境不錯, 心想: 也好! 在熱鬧的銅鑼灣, 難得有個地方可以清清靜靜地吃餐飯。看菜牌, 選擇不多, 他們主打是賣藍青口及生蠔, 要了一客白酒煮藍青口, 周打蜆湯,火腿磨菇蛋汁意粉及餐酒。周打蜆湯: 好creamy, 中上水準, 可惜配湯的餐包太乾, 質感似隔夜麵包, 吃了半個就放棄了。餐酒: 產地是澳洲, 呢杯酒好像只$60(買一送一), 酒質竟然不錯。白酒藍青口: 老公先吃了一粒, 即面有難色, 再吃了幾粒即懷疑的說, D青口有一陣尿味, 我以為他講笑, 青口怎會有尿味!!一吃, 果然有一陣腥嗅味, 跟尿嗅味真的很相似, 我也懷疑自已的味覺是否有問題, 用清水清一清口腔, 再吃都係腥嗅味, 我從未吃過這種味的青口, 應該是青口不新鮮!! 叫來待應說明, 待應哥哥好像有備而來, 即刻話這批青口是美國貨
上到去已3:00, 餐廳內一台客都冇, 我地包場! 見餐應環境不錯, 心想: 也好! 在熱鬧的銅鑼灣, 難得有個地方可以清清靜靜地吃餐飯。
看菜牌, 選擇不多, 他們主打是賣藍青口及生蠔, 要了一客白酒煮藍青口, 周打蜆湯,火腿磨菇蛋汁意粉及餐酒。
周打蜆湯: 好creamy, 中上水準, 可惜配湯的餐包太乾, 質感似隔夜麵包, 吃了半個就放棄了。
餐酒: 產地是澳洲, 呢杯酒好像只$60(買一送一), 酒質竟然不錯。
白酒藍青口: 老公先吃了一粒, 即面有難色, 再吃了幾粒即懷疑的說, D青口有一陣尿味, 我以為他講笑, 青口怎會有尿味!!一吃, 果然有一陣腥嗅味, 跟尿嗅味真的很相似, 我也懷疑自已的味覺是否有問題, 用清水清一清口腔, 再吃都係腥嗅味, 我從未吃過這種味的青口, 應該是青口不新鮮!! 叫來待應說明, 待應哥哥好像有備而來, 即刻話這批青口是美國貨, 是比較腥及濃海水味, 可能你地食唔慣啦, 或者我拿入廚房, 幫你加多點白酒啦.......... 無奈下唯有比佢拿回去加酒。幾分鍾後拿回來, 一吃也不是同樣味道???我即質問待應D青口係唔係變壞了?冇理由是這個味的! 待應即推說話:"整批青口都是這個味的, 不是變壞" 說罷即行開了。這時我的視線範圍內是完全找不到一個待應的, 成間餐廳好像只有我兩公婆似的!
如果係批青口有咁濃既嗅腥味, 點解仲可以拿出來比客人食呢? 唔怕做壞招牌嗎? 明知批青口咁大嗅腥味, 點解在客人落單前唔知會客人? 叫客人選擇比較濃味的汁料來辟腥呢? 而唔係客人投訴先出聲囉! 見呢間餐廳咁多人讚, 真係完全冇想過食物質素會咁差, 百幾蚊盤入口藍青口還不及街市賣幾蚊斤的本地青口, 簡直離譜
唔食青口, 唯有食配埋青口上既薯條當main course囉! 激鬼氣
到個火腿磨菇蛋汁意粉: 一上台, 賣相唔錯, 應該好食掛, 點知一食, 咸到即刻要飲水, 老公本想叫佢換過, 經過碟青口後, 我驚再叫佢地換, 佢地會係碟粉度加料囉! 食埋佢就算啦! 廢事多事啦!!
到埋單時, 女部長親自過來, 我就順便跟她說意粉太咸, 她竟回我一句, 你地食完先講, 你可以出聲叫我換過比你嗎! (佢一定以為我咁講係想叫佢比折!! )。 找錢時比張食滿$200可當$50用既贈卷比我地, 我嬲到比返佢話唔要啦, 我一定唔會再來幫趁囉! 真係嬲到飛起
我真係好質疑呢間餐廳係唔係搵打手上來打食評囉, 咁既食物質素冇可能會咁多人讚好
埋單$4xx, 感覺做左大水魚
张贴
