Common Room (已結業)

Common Room 是位於中環和安里的上樓酒吧餐廳，這𥚃屬於比較清靜的小巷，想不到隱世的酒吧帶來意想不到的驚喜！環境氣氛同一般高級西餐廳無異，感覺舒適高尚。而酒吧餐廳給人一貫感覺總是氣氛不錯但食物普通不過不失罷了。但這家可以話令我刮目相看，食物質素可媲美高級西餐廳，飲品味道亦勝一籌！Potato Crisp Nachos呢款小食配酒一流！nachos 不會太硬身薄薄的，點Guacamole，sour cream食完全唔肥膩。成碟清唒！Pork Baby Back Ribs做得比外面好，醬唔會太重，食到肉味，不過呢款未至於有大驚喜。Squid Ink Seafood Risotto呢個高分之作！足料多海鮮，個墨魚汁飯可以話係食過的Risotto中最美味！非常推薦！不會偏鹹，亦做得乾身冇食水水飯的感覺。Cryo-Fried Vanilla Ice Cream這絕對是驚喜之作！包好的Vanilla Ice Cream 用白蘭地酒點火倒落去將表層溶化，個Flambe的效果好amazing!! 再落Raspberry Sauce俾佢味道同顏色！視覺同味道都照顧到💕支持用心經營的餐廳會再光顧。