自從好耐之前喺深水埗食過一次石燒牛之後，都好耐無再食過，決定今餐食豪少少。
-上腰西冷200g $118
餐廳會將一成牛肉放係高溫岩石，幾成熟依然由食客自行調節。
上腰西冷呢個部位對我比較新鮮，食落肉質較結實，脂肪位唔算太多，牛膻味較牛側腹扒濃烈些少。
可配紅酒牛肉汁/阿根廷青醬，個人比較鍾意紅酒牛肉汁，可以帶出牛扒嘅肉鮮味，阿根廷青醬則青草味比較濃烈。
店家會提供圍裙防濺油，不過煎個陣隻手中招機率依然高，希望抽風系統可做好啲，避免一身油煙味。
-牛側腹扒200g $128
脂肪紋路相對較多，但食落亦未至於口感肥膩，肉質較嫩口，油香滿佈。
-五選三套餐 $30
可以係飯、薯條、湯、沙律、飲品5款揀3款變做套餐，都算抵食。沙律新鮮爽口，細細碟幾開胃。
特別推薦清甜蜆湯，蜆肉好飽滿。
炸薯條金黃香脆，薯香濃郁。
值得一讚餐廳有提供免洗酒精搓手液，單據亦有鼓勵香港人抗疫，防疫意識高，好窩心！
