鳥山名

营业中

休息中

愉景新城呢邊成日有活動，鳥山名勁似龍珠嘅鳥山明，成日都經過👀 今日終於一食！裝修都幾雅致，適合同朋友傾偈聚會第一次食入秋原條秋刀魚刺身，原來係咁好食㗎，今次重新認識秋刀魚💗 和牛牛展有6片，口感紮實，牛味香濃。海鰻壽司又係意想不到，肥美嫩滑，芝士吉列蝦反卷屬5星推薦，外層有櫻花蝦脆脆，好好味😋 牛油果軟殼蟹反卷都係必叫之選，最後仲有吉列黑豚豬扒定食，有沙律、前菜、漬物、麵豉湯、珍珠飯同朱古力蛋糕，吉列豬扒炸得好香脆，成個set好圓滿！幫我地refill水嗰位姐姐非常之好人，臨走都忍唔住同佢傾咗一陣，好少會見呢啲秒速幫我哋refill水嘅姐姐🙌🏻