影片
更多
2021-10-28
431 浏览
前2晚同成班朋友食飯,黎到位於CWB既KURA.其實係佢岩岩開張果陣我有黎過1次食LUNCH,記憶中不過不失.事隔1年幾,估唔到今次有驚喜,質素提高左不特止.成餐飯食左成3個鐘,同2位許師傅有傾有講好愉快😁>>>>>餐廳提供4款DINNER OMAKASE,值得一提餐廳諗得幾周全,其中1款DINNER<幸運>係全熟既野食,岩曬啲食唔到生野既朋友.我地今次揀左<幸福>,真係食完有幸福既感覺☺️>>>>><幸福> $1680前菜2款 | 剌身5款 | 和食 | 酢物 | 壽司6款 | 卷物 | 吸物 | 甜品>>>>>前菜 **水雲 : 睇落好似髮菜咁既樣,其實佢係藻類,味道柔軟黏滑,最近食左幾間OMAKASE都有食到佢.**紅酒煮鮟鱇魚肝 : 鮟鱇魚肝我第1次食,係日本高級食材,有<海中肥鵝肝>既美譽,食落口感滑嫩細滑,入口即溶刺身**平政魚薄切 : 入面包住既係紫菜, 平政魚肉質結實,味道清甜,油脂唔會過多
事隔1年幾,估唔到今次有驚喜,質素提高左不特止.成餐飯食左成3個鐘,同2位許師傅有傾有講好愉快😁
>>>>>
餐廳提供4款DINNER OMAKASE,值得一提餐廳諗得幾周全,其中1款DINNER<幸運>係全熟既野食,岩曬啲食唔到生野既朋友.
我地今次揀左<幸福>,真係食完有幸福既感覺☺️
>>>>>
<幸福> $1680
前菜2款 | 剌身5款 | 和食 | 酢物 | 壽司6款 | 卷物 | 吸物 | 甜品
>>>>>
前菜
**水雲 : 睇落好似髮菜咁既樣,其實佢係藻類,味道柔軟黏滑,最近食左幾間OMAKASE都有食到佢.
**紅酒煮鮟鱇魚肝 : 鮟鱇魚肝我第1次食,係日本高級食材,有<海中肥鵝肝>既美譽,食落口感滑嫩細滑,入口即溶
刺身
**平政魚薄切 : 入面包住既係紫菜, 平政魚肉質結實,味道清甜,油脂唔會過多
赤貝,白象拔蚌 : 2款都係食落爽口既剌身,口感一流.師傅教我地可以擠啲青檸汁,或者抆啲紫蘇花落豉油到,可食到淡淡既紫蘇香味
秋刀魚 : 而家正值秋刀魚當造,超肥美!呢個PRESENTATION一流,啲乾冰散出陣陣仙氣既感覺.師傅仲好搞笑係到話唔夠仙氣可以幫我地加😂
拖羅+赤身紫蘇 : 呢個真係好出色,竟然俾佢諗到拖羅+赤身一齊食,兩者亙相平衡,拖羅油脂細膩豐富,魚香濃郁,燒左之後入口即溶.赤身含脂量少,肉質實,有咬口,中間再加片香氣獨特既紫蘇葉,真係好好味.
磯煮鮑魚 : 唔好睇呢個樣好似平平無奇,聽師傅講視乎鮑魚大細,要煮成5-6個鐘架!真係心機菜黎.鮑魚肉質鮮嫩彈牙,底下係濃郁的鮑魚湯汁
和食
燒鱈場蟹腳 : 鱈場蟹腳肉質飽滿,鮮甜,可以點蟹醋黎食,另外有豆腐波菜同柚子梅酒蕃茄，好味😋
酢物 : 橘子啫喱,食到一半,緊係要食返啲野黎REFRESH下個PALATE啦
壽司
**石垣貝 : 呢個真係堅新鮮,師傅係我地面前拍左佢一下,佢條尾即刻彈左起身,好神奇!食落味道清甜,口感爽脆
**牡丹虾,白虾 : 食落好鮮甜,上面仲有魚子醬同金箔,super fancy
**鰤魚腩 : 我當晚最愛其中之一,食落肉質甜美,油脂豐富,上面個蜜糖籽洋蔥令到成件壽司既味道大有層次!
**喜之次 : 好嬌貴罕見既深海魚, 有海中紅寶石之稱,油分重,肉質細嫩,上面係喜之次魚肝
**拖羅 : 油香味重,入口即溶,上面仲擺左隻好精緻既蝴蝶,食落係海帶既味道
海膽 : 馬糞海膽,好鮮甜CREAMY,師傅撒左好多淡味鹽,但食落係唔咸架!下面係壽司飯整成既脆米餅
卷物
葱拖羅蓉手卷 : 今餐食左好多拖羅,上面加左櫻花蝦，食落有咸香味
吸物
蜆清湯 : 好清澈既湯,飲落鮮甜,好暖胃
果物 : 係師傅每日去街市睇下有咩新鮮既水果先買返黎架.全部好清甜
张贴
