影片
更多
2021-04-20
93 浏览
好耐冇出過旺角食嘢，朋友話呢間幾好就試吓。Lab Eat Blaster呢杯飲品係呢間舖嘅主打，上面嗰bubble好得意，打卡一流，我叫咗杯粉紅色，調得好好，個rose味夠出！熱熔法國流心芝士配香草烤薯及西班牙辣腸、火腿流心芝士暖暖地勁好食，仲要有專人即場切俾你食，真係好正！西班牙辣腸同火腿配埋下面酸酸地嘅新鮮沙律菜好開胃！牛肝菌湯配黑松露泡沫湯嘅味道幾好，唔會太咸，個泡嘅質感亦做得幾好！28天熟成西班牙黑毛豬鞍黑毛豬鞍煎得啱啱好，成功鎖住肉汁，食落又唔會太油，呢個部位有少少肥，啱晒我嘅口味！煙燻日式車打芝士蛋糕甜品擺碟已經令人食指大動！個芝士蛋糕淡淡地唔係好甜，食得出煙燻味，第一次試幾特別。最鍾意個汁係棉花糖溶出黎，食完充滿幸福感！餐廳食物選擇多，又設有戶外座位，環境舒適寧靜，非常適合一班朋友食。
Lab Eat Blaster
呢杯飲品係呢間舖嘅主打，上面嗰bubble好得意，打卡一流，我叫咗杯粉紅色，調得好好，個rose味夠出！
熱熔法國流心芝士
配香草烤薯及西班牙辣腸、火腿
流心芝士暖暖地勁好食，仲要有專人即場切俾你食，真係好正！西班牙辣腸同火腿配埋下面酸酸地嘅新鮮沙律菜好開胃！
牛肝菌湯配黑松露泡沫
湯嘅味道幾好，唔會太咸，個泡嘅質感亦做得幾好！
28天熟成西班牙黑毛豬鞍
黑毛豬鞍煎得啱啱好，成功鎖住肉汁，食落又唔會太油，呢個部位有少少肥，啱晒我嘅口味！
煙燻日式車打芝士蛋糕
甜品擺碟已經令人食指大動！個芝士蛋糕淡淡地唔係好甜，食得出煙燻味，第一次試幾特別。最鍾意個汁係棉花糖溶出黎，食完充滿幸福感！
餐廳食物選擇多，又設有戶外座位，環境舒適寧靜，非常適合一班朋友食。
张贴
