浜滝 (已結業)

放工運動過後相約一班好朋友去天后食飯，嚟到呢間日本餐廳！呢間餐廳好易搵，非常近地鐵站，好方便！👍🏻餐廳佈置簡單，一張張圓枱，可以一班人圍埋一齊暢所欲言！😊😊食物方面亦多選擇，有刺食，小食，飯，麵等。。。首先到嘅係冷鮑魚，呢個鮑魚非常新鮮，口感好爽好彈牙，而且仲好鮮甜添！推介！👍🏻有燒烤類當然不能少燒菠蘿啦！呢個燒菠蘿真係不得了！菠蘿本身已經好夠甜，燒過後更多了焦香味，而且餐廳貼心去咗皮，食嘅時候非常方便！真係食到停唔到口！😆呢個係濃厚醬油拉麵，拉麵係自家製，個質地有啲不同，而且好彈牙！個湯非常好味，濃但不膩！飲品叫咗柚子蜜梳打，值得一提係啲柚子蜜好多！呢一餐非常滿足！😊