回家湘

营业中

休息中

天氣轉涼❄️除咗打邊爐之外最愛就係食川菜😊呢間回家湘有兩間分店：佐敦同西環。我地去咗佐敦呢間。好近地鐵站，位置相當方便😌餐廳招牌紅噹噹，一睇就知係食辣野！全部都係四人檯，坐得好闊落，張枱夠大，會令人想買多幾碟餸😂我地兩個人就叫咗四個餸。干鍋酸菜肥腸 （$138）熱鍋上菜，保持熱度。肥腸清潔得好乾淨，食落都好易咬口，唔會好韌咬到口都攰! 酸菜唔會好鹹，用青椒炒味道比紅椒更好味。鮮炒黃牛肉 （$148）新鮮魯西黃牛肉，有吊龍同埋雪花兩個部位。用大量蒜頭同辣椒猛火爆炒18秒，肉嫩汁香。喺餐廳嘅招牌菜，我食到蒜頭都食曬😂酸辣雞雜 （$108）呢個菜嘅特別之處係佢用咗酸豆角去炒，都比較少川菜餐廳有得食酸豆角，我個人都幾鍾意。酸豆角炒辣椒好開胃。雞雜亦都好新鮮，份量又多。撈飯食一流。開心花菜 （$78）食咁多肉梗係要叫返碟菜啦。餐廳炒得好有鑊氣，椰菜花炒到入晒味。配菜豬肉，亦都好入味。