泉記海鮮飯店 (已結業)

位處熟食中心內，雖然外面35度熱辣辣，但泉記嘅冷氣好強勁，坐坐吓覺得凍添。👍街坊食店，食飯、吹水、飲啤酒冇人趕。不過大部份係圓櫈，未必咁好坐。由於天氣太熱，打邊爐嘅人唔多，而我地亦都選擇食小菜飲啤酒。菜譜選擇都幾多。豉椒炒蟶子有驚喜，雖然細細隻又有啲有沙，但份量都幾多，$68對得住有餘啦。薑葱蚊頭腩，走油處理令皮脆肉滑，夠味連薑都食埋，要試。鱔煲，鱔唔夠肥。沙嗲金菇粉絲肥牛，牛肉份量好多。仲叫左肉絲炒麵，麵底有啲碎但好脆，真係要大排檔先食到。生力做推廣$60/3枝大啤，抵飲。