影片
放假最好约埋啲老友去钓鱼啦、早上一齐食早餐再上船、诲上风景怡人、但鱼镬少少、可能系我唔识钓、要揾师傅教授吓先得、上船后攞埋啲鱼镬去左渔湾街市二楼泉记食反同吹水讲吓点解今日钓咁少鱼、等个伙记埋来写𩠌同攞几支啤酒解渴先、叫左乳鸽、乳鸽炸得好脆皮、因为好肚饿所以叫左个肉丝抄面、面都ok、重有克椒牛仔骨、牛仔骨配洋葱真系冇得顶好惹味要嚟送酒简直冇得弹、再叫多几个𩠌、有胡椒虾、蒜蓉局蚝、虾还可以、蚝就太老啦、重有个金银旦菜、菜尚可以、我地今日钓嘅鱼来啦。鱼就少啲、但蒸得好味道、因为新鲜、食吓饮吓知觉又要埋单走人、已经约埋下次再钓鱼和食反。
继续阅读
我虽然系女人，但天生个性格比较粗豪， 除非特殊日子，一定唔会化妆又唔会著高踭鞋又唔会怕冻要披肩，唔钟意食high tea，永远牛记笠记，食烧味去大排档就最啱我。今日我就同我契细佬去咗呢间差唔多全场都系麻佬嘅 泉记 食好嘢，呢度系市政街市大排档feel， 可以大声讲嘢，就算系粗口横飞， 随口吐骨落地都唔会有人理，因为个个都一样，呢种地方先至啱我。先整个煲仔窝蛋牛肉饭， 块牛肉打得好绵好香又好味，煮煲仔饭又掌握得好好，捞埋啲蛋汁再加埋啲饭焦，再加上甜甜地嘅豉油，真系好好食。跟住食鸡锅兼且打边炉，啲肉又新鲜，鸡又新鲜，乜嘢都新鲜，系除咗讲一句好好食之外，都唔知有咩可以形容，呢啲嘢唔系一般酒楼可以媲美。真正好味又够feel， 一句讲晒，正！
继续阅读
昨晚超冻，突然想起打边炉，冻冰冰，又唔想去得远，虽然明知已经麻麻地，但因很多人提早做冬，所以很多地方都停了打边炉，迫不得已到这舖食，完全无谂过7:30已经无晒野食😅😅😅，同负责人讲会否加返沽清食物，佢竟然答我无，汤底又开左，焗住食啦，无计，重点有图有真相，而且有晒时间日期，我谂精明的消费者，应该要睇真啲🤔🤔🤔人不断入，食物完全唔加😠😠😠，真想反枱走人，早知去茶餐厅食好过，今时今日咁既服务态度😓😓😓，请我都不会再去。到8:15终于加返点食物，但👀见个碟，又无兴趣想再攞野食160蚊一位，任食任饮，无时段限制，听落好吸引，怎会知道原来是这样😅😅😅，真系有早知就无乞衣🤐🤐🤐都好还见到只鲍鱼识郁😂😂😂，每枱赠送的见面礼，唔洗抢，放♥贵妃蛑有点沙粒，可能因为下午刚在沙滩拾回来，所以非常新鲜带子坚硬度十足，好彩我牙力都唔错蟹，濑尿虾，蚬都好新鲜，只只都跳下跳下，不过应该似刚出细的bb, 越细只越鲜甜，肉质超柔软睇见好似好多款式，但其实得个睇字😅😅😅突然感觉好惨，好似比朋友欺骗左咁，越食越伤心，最后选择离开去左买宵夜食好过😆😆😆我同朋友讲，下次唔好揾我😎😎😎，否则绝交
继续阅读
教会小组完，同弟兄揾地方宵夜，呢道唔多人，𩠌菜够火喉又有酒饮，系一个满足肚皮既好地方。佢宵夜时段仲有特价的，真系超值！估唔到大排档煮既蚝饼都咁出色，唔系细细仔蚝仔咁简单，又脆又足料👍🏼糖醋肉排好味过依家出面酒楼hea煮果啲，啖啖肉，够晒入味😋不过干炒牛河就唔够镬气，不过料够、味道好！两个人食咁多做宵夜，真系太夸张🤣所以最好就一大班人，把酒长谈就最正，大把位又唔使等👍🏼最重要系价钱实惠😌
继续阅读
位处熟食中心内，虽然外面35度热辣辣，但泉记嘅冷气好强劲，坐坐吓觉得冻添。👍街坊食店，食饭、吹水、饮啤酒冇人赶。不过大部份系圆櫈，未必咁好坐。由于天气太热，打边炉嘅人唔多，而我地亦都选择食小菜饮啤酒。菜谱选择都几多。豉椒炒蛏子有惊喜，虽然细细只又有啲有沙，但份量都几多，$68对得住有余啦。姜葱蚊头腩，走油处理令皮脆肉滑，够味连姜都食埋，要试。鳝煲，鳝唔够肥。沙嗲金菇粉丝肥牛，牛肉份量好多。仲叫左肉丝炒面，面底有啲碎但好脆，真系要大排档先食到。生力做推广$60/3枝大啤，抵饮。
继续阅读