Steak Bar (已結業)

銅鑼灣人氣吉列牛扒Steak Bar登陸登龍街。餐廳實在太爆場啦，訂左7時2人都要等有位先入得。今次目標就係食2款人氣Menu。主打Set G 吉列炸和牛扒（$278）包前菜、沙律、一碗飯；仲有每日限量嘅Set C 頂級板腱牛扒（$215），配菜一樣。店員落單純熟，十分鐘後便上菜。和牛要了5成熟，一碟有9塊。黃金酥脆炸層，薄薄沾於和牛邊緣。 牛油輕輕塗上鐵板盤，擺上和牛，一兩下翻轉，肉汁更香更甜。食到好重肉感，可間斷食一口豆腐清新一下。不得不讚白飯上也有小心思。Topping 令吃下吉列嘅肥膩感盡去之餘，仲非常好食，飯團材料果然沒法擋。 而且，好想encore 多碗呀！ 頂級板腱牛扒，單是外形已經十分觸目，很趣怪的。 下刀切，中間肉質一致色澤、粉粉嫩嫩。一口牛、一口飯，不需要花巧，口味說明所有。 豐盛的一頓。