老鍋台式火鍋 (金馬倫道) (已結業)

作為一名健身教練, 越黎越食得辣第一次食老鍋, 幾中意依度間格, 每圍枱有木屏風間隔住, 私隱度不錯, 食都食得舒服D。麻辣鍋🌶️ 鍋入面有好多香料, 滾起左之後好香, 初初食覺得唔算好辣, 但之後越煲越濃越辣, 過癮~而鍋入面有好多鴨血同豆腐, 豆腐索哂D湯超好味。鮮蝦雲吞大大粒入面有整隻蝦肉, 皮好薄。羊肉片鐘意食羊既朋友必點, 羊肉軟腍唔會韌, 而且冇臭酥味, 而且佢切得幾厚身,  食落都幾滿足。老鍋台灣麵呢個台灣麵有一粗一幼, 可以凍食配冷麵汁, 但咁大個麻辣鍋係眼前, 當然要用佢黎做湯底啦, 麵掛左辣湯更滑更好味!杞子杭菊露清甜解渴又下火